يامساكين ياطلاب الجامعات

طلاب الجامعة تنقط عليهم الـ800 ميه كل شهر .. الي ماتكفي ربع مستلزمات الدراسه من كتب ومذكرات و و و و.. الخ
وفوق كل هذا اذا كمل الاربع سنوات تنقطع المكافئه .. كأن الطالب هو الي يبي يجلس مايدرون انه يبي الفكه !! مايدرون ان هذا دليل المثابرة والجهد .. والا محد يجلس كل هالمده الا وهو مصمم وعازم انه ياخذ الشهادة
واذا تخرج تلزم علية سنه او سنتين جلسة بالبيت يدور وضايف

لكن طلاب الكليات العسكرية .. مكافئتهم لا تقول عن ثلاث الاف وخمس .. ونايمين وماكلين وشاربين .. واذا تخرج النجمه تنتظره !!

احنا بعد المدرسين و الله يااستاذي انه جندي في الحرس الوطني راتبه اكثر من راتبي لا و يقولو يبو يحسنو المستويات و شغالين بالتقطير واصلين الى 1417 و احنا 1427 يعني متى بيحسنوا مع انه حق من حقوقنا المهدرة
هل يستكثروه علينا وسمعت انه خايفين من الشكوى اللي مقدمينها المعلمين عليهم عشان كذا كل شوي معلنين مجموعة وهي من 12 سنه تنتظر عشان يسكتو البقية . ياعمي مدرسين لهم 12 سنه في التدريس ماهو قادر يملك بيت وش رايك. تخيل الوضع المزري حسبي الله عليهم

دائما انت يااستاذنا العزيز مبدع فى افكارك متجدد فى اطروحاتك ولاتنسى شريحة كبيره من الضعوف المتقاعدين الذين يستلمون مرتباتهم التقاعديه من التامينات الاجتماعيه هل لهم نصيب من علاوة غلاء المعيشه ام هم من الضعوف المنسيين كان الله فى عونهم

على الوتر الحساس سيدي العملاق
كل الشكر لك على تجاوبك مع رسالتي
وماشاء الله عليك متجدد دائما ً
أحد أمرين إما ان لديك أحرف غير التي نعرفها أو أنّك تصغر كل مامرت سنين :) أرها مجتمعة فيك سيدي

ابق َ بخير وحماك الله

من المتعارف عليه في جميع دول العالم أن من اهداف الشركات المساهمه تنمية مدخرات اصحاب الدخول المتدنيه ويعطون الاولويه في الاكتتاب ولكن لدينا العكس تماما فالاولويه للحيتان والفتات لمن لهم الالويه الحقيقيه لذلك واطرح سؤالا مهما ماذا لو تم اعطاء الاولويه للافراد في نصف عدد الشركات التي طرحت للاكتتاب العام خلال السنوات الثلاث الاخيره وكيف سيكون حال هؤلاء الافراد وكييف ستتحسن حالتهم الماديه والنفسيه وماهو المردود المتوقع ايجابا على الوطن جراء مثل هذا القرار فهذه الفئه تحتاج لعناية خاصه واهمها عداله الاستثمار في الشركت المساهمه لأن في ذلك تعزيز وتحسين وضع الاسر ذات الدخل المتدني وايجاد مصادر دخل تعينهم على اعباء الحياة وترفع المستوى الاقتصادي لهم صدقني كاتبنا العزيز ان في ذلك استنهاض لقدرات الكثير من افراد الاسر المحدودة الدخل وتهيئتهم لبناء حقيقي للوطن فلابد ان تكون هناك دراسة مستفيضه في هذا الامر واعتقد ان الموضوع اساسا يتركز في سوء تدبير القائمين على وزارة التجاره وسوق المال وغياب روح المبادرات لديهم نتيجة غياب الابداع والفكر التحليلي والموضوع يطول الحديث فيه واكتفي بما ذكرت